Posts

233. YESU ONINDO E JASI

1. Yesu onindo e jasi, Kokadho nam Galili; Ahiti maduong` to okudho, Pi nam gingore malich. Jopuonjre chiewe gi luoro; `Ruoth ok idew kwatho?` Eka Yesu nokwero apaka, Nochiko yembe giling`.           To yembe gapaka winjo wach Ruoth: `Kuweuru, kuweuru!`           Kata apaka mar nam lolwe Makelo kibaji gi ngoro ni ji,           To onge gimoro manyalo nimo Yieno, ka ma Ruoth polo nindoe;           Gik moko duto nowinj chikne: `Kuweuru, kuweuru!`           Gik moko duto nowinj chikne: `Mondo ukuwe!` 2. Yesu achandora tinde, Apaka ni e chunya; Temruok to obiro ka yamo, Ayiengini, Ruoth konya. Kethruok awinjo kohewa, Chunya odhier chutho, To Ruoth Yesu bi piyo, asayi; Bi sira gi tekoni. 3. Ruodha, chunya koro kuwe mos, Chandruok osekadhona; Kuwe mari koro ni e chunya, Kuom teko mar wachni, Ruoth. Bed koda pile, Jawarna, Kik iweya kenda ngang`; ...
Post a Comment
Read more

234. YESU OBIRO KA KENDO

1. Yesu obiro ka kendo, Yesu ma notho Kalwari; Obiro omo jo moyie, Mondo gidhi polo.           Obiro, obiro, Birone koro ochiegini;           Ee, obiro; ee, obiro; obiro machiegini. 2. Waneno tim mang`eny e piny Mapuonjowa wach birone; Chieng`no obiro mana ru Ma wanadhi polo. 3. Ndalo mang`eny to lweny nitie; To pinje ok noyudi kuwe; Nyaka Jawarwa wir` e piny, Mond` oterwa polo. 4. Eka e piny maber, manyien, Wanabedi ma nyaka chieng`; Ok wanachak waketh kendo, To wanamor pile. (Amin)
Post a Comment
Read more

235. WUOTH POD ODONG` MAROM NADE?

1. Wuoth pod odong` marom nade? Jarit odwoko wach kama; `Otieno chiegini rumo, Piny biro mana ru.` Kik koro ibed gi kuyo, Iteg wang`i ku midhiye, Nyak` idonje pinyruodh Nyasaye, Kar ler ma nyaka chieng`. 2. Napenjo kendo jakedo; Nomiya wach mahoyo chuny; `Kedi matek, ibed jachir, Ndalo odong` matin.` Kik koro ibed gi kuyo, Tim kinda nyaka tich rumo; Wabiro yudo pok maber Kwaseyudo locho. 3. Napenjo kendo kak` obet; Piny ngima nodwoka kama; "Wuoth me pinyni dwaro rumo, Waki ma nyaka chieng` " Kik koro wabed gi kuyo, Ranyisi ng`eny mayangonwa, Ni chwech duto rito winjo Dwond Ruodhwa kobiro. 4. Ok bor koro nyaka thurwa! Wachni hoyo chunywa e yo; Ogolo kuyo gi pi wang`, Omiyo chunywa kuwe. Kik koro wabed gi kuyo, Podi matin to wanarom, E kar mor chutho mochwere, E dala mar Wuonwa. (Amina)
Post a Comment
Read more

236. GIN WECHE MAMIT MA JAKRISTO WINJO

1. Gin weche mamit ma Jakristo owinjo, Kowuotho e piny marachni; Ndalo dong` matin nyaka Ruoth Yesu nobi, Kobiro chungo pinyruodhe.           Obiro, birone ochiegini; Obiro e pinyni kendo;           Eka noom jogo duto mohere, Ginidhi kode e polo. 2. Liete ka ma koro Jokristo nindoe, Noyawre malach e chieng`no; Ji duto maler ma notho kageno Ruoth, Nochier gi ngima mochwere. 3. Pogruok ok nobedi kucha e piny manyien, Ji nodag kuro nyaka chieng`; Mowar a tung` piny duto nobedi kuro, Ka gipako Ruoth gi wende. 4. Wawer "Alleluya" kwadendo Ruoth Yesu; Wabed jo madieri chutho; Kwarito gi kinda nyaka Ruodhwa nobi, Nosidhnwa osimbo maber. (Amina)
Post a Comment
Read more

237. JO MALER DUTO, RITURU

1. Jo maler duto rituru teko polo koro, Yiengni; Mokuru techeu duto, kurito biro mar ruodhwa.           Obiro Yesu Ruodhwa; Obiro gi duong` mar polo;           Yesu biro e komduong`ne, Ruoth Yesu Kristo biro. 2. Landuru wach kwonde duto,Kunyiso ji wach mar warruok; Kuom jathieth gi hera mare, kod teko mar weyo richo. 3. Pinje Ruodhi biro kadho; Pinyruodhe oduong` gilala; Landuru wach nguono mare, Ka ndalogi pok okadho. 4. Ogend pinyni to lal nono, kamirima pong`o chunygi; Kristo dwaro biro piyo, Mondo pinyruodhe ochungi. 5. Jo maricho to biuru, Mondo Kristo luoknu richo; Returu, ukaw ng`wonone, ndalo koro chiegni rumo. (Amina)
Post a Comment
Read more

238. GOURU BU, GOYEURU MATEK

1. Gouru bu, goyeuru matek: Yesu obiro kendo! Jiwuru chunyu, jowuoth, weruru; Yesu obiro kendo!           Yesu biro, biro kendo;           Yesu obiro kendo. 2. Landuru wachno e gode gi pap: Yesu obiro kendo! Nobi gi duong`, Nyarombo ma notho; Yesu obiro kendo! 3. Landuru wachni e pinje duto: Yesu obiro kendo! Dho wedhe duto mond` owinj wachni: Yesu obiro kendo! 4. Timbe mag piny nyiso ji duto wach; Yesu obiro kendo! Yembe- gapaka medo lando wach; Yesu obiro kendo! 5. Mirimb jopiny miyowa yango wach; Yesu obiro kendo! Kwonde piny duto rieko medore; Yesu obiro kendo! (Amin)
Post a Comment
Read more

239. CHENG`NO ODWARO YAWORE

1. Chieng`no maduong` to nobinwa piyo, mar biro Yesu; Nobi ni mondo oter nyithinde e utgi malo.           Ti waneno chieng`no odwaro yawore,           Koriembo mudho me piny;           Ti waneno chieng`no odwaro  yawore,           Konyruok chiegni. 2. Wach mar injili nolandre piyo ni dhoudi te; Eka Ruoth Yesu Kristo noduogi, mi bu noyuagi . 3. Jopolo duto nokowe bende e boche polo; Ruodhwa nobi tero jo makare kama tho onge. 4. Jo ma wahero to koro nindo; to wananere; Ok wanayuagi e pinyruodh polo, wanamor kende. (Amin)
Post a Comment
Read more